Archive of Our Own ^beta

Chapter Text

朝早一起身諗住去梳洗嘅龍捲風發現自己隻手變左隻貓爪，再望望自己個肚，應有嘅腹肌唔見左，得返望落去好似好好摸又毛絨絨嘅肚dum仔。
就算係見個世面嘅龍捲風都諗唔到自己會有變做一隻貓嘅一日。

就係龍捲風重坐係張床到懷疑緊人生嗰時⋯⋯

「大佬！你今日咁晏⋯⋯」
「咦，點解會有隻貓係大佬張床到嘅？」
信一！
一定唔可以畀信一發現自己變左做隻貓！呢個係龍捲風唯一嘅諗法。

「貓仔，你係邊到黎㗎？我大佬執你返黎㗎？」信一一邊問，一邊隻手就伸向貓個頭到。
龍捲喵憑着佢輕巧嘅身驅避過左信一嘅魔爪。
雖然變左做貓，但係龍捲風慶幸自己嘅速度冇受到影響，甚至反應力重強左。

呢個時間，一條長長嘅紅色物體喺龍捲風嘅雙眼前蕩來蕩去。
要捉住佢！呢個欲望令到龍捲風完全失去左自我，未黎得切反應就撲左過去。
另一邊廂，信一捉住左呢個機會，順利咁摸到貓貓嘅頭。

「又幾舒服下～」唔知信一係邊到學黎嘅技巧，摸到龍捲喵不自覺咁瞇埋眼，成隻貓挨左落信一嗰到。
正當龍捲喵重係到享受緊信一嘅愛撫，就聽到信一問：「貓仔，你知唔知我大佬去左邊呀？」
心虛嘅龍捲喵不自覺咁舔住隻手仔詐傻扮懵。
「既然係咁，我哋一齊去搵下大佬係邊！」

係龍捲喵都未黎得切反應嗰時，信一一野抱起佢出發去搵佢心心念念嘅大佬。
第一站係龍捲風成日打躉嘅「阿柒冰室」。
結果龍捲風就見唔到，食緊叉燒飯嘅陳洛軍就有一個。

「柒叔、洛軍，你哋有冇見到我大佬？」
「龍哥唔係係髮型屋咩？」
「就係髮型屋唔見佢，唔通去左搵tiger 哥？」
「咦，信一你幾時養左隻貓？」陳洛軍望住係信一抱住嗰隻貓問。

「唔係呀，今朝去搵我大佬嗰時係佢間房見到㗎。我都唔知大佬幾時執左隻貓返黎。」
話題中嘅人物表示，我都想知點解自己一瞓醒就變左隻貓。

不過木已成舟，依家咁樣唯有扮好隻貓，希望聽日一切會回復正常啦。
龍捲喵捉緊佢隻貓爪暗自決定。

「城寨竟然會有咁靚嘅貓，睇落應該係啲有錢人養嘅，唔通係秋哥託龍哥照顧幾日嘅？」
陳洛軍嘅推測都有啲道理，不過信一諗諗下：「如果係咁我冇理由唔知㗎。」
「不過呢隻貓真係幾得意，一開始唔畀摸，結果拎條tie畀佢玩下就落疊，畀人摸得舒服重會成隻貓挨埋黎。」

聽到信一咁講，陳洛軍隻手都有啲蠢蠢欲動。
結果洛軍一伸隻手過黎，龍捲喵就不自覺咁炸毛，對住陳洛軍哈氣。
「哈哈哈，睇黎貓同狗都係唔夾。」信一忍唔住笑左出聲。
龍捲喵回過神黎，覺得對洛軍好似唔係幾好意思，但係本能反應真係好難控制，唯有等變返做人嗰時請多佢食幾餐叉燒飯加頂帽當補償。

「嗯？我冇掂過狗㗎？乜我身上有祲馟
咩？」

「邊個有祲馟呀？」十二少一行入阿柒冰室就會見笑到就黎碌地嘅信一同埋一面疑惑嘅陳洛軍。

信一一邊抹走頭先笑到飆出嚟眼淚水，一邊問十二少：「我大佬係咪去左搵tiger 哥？」

「無呀，頭先冇見到龍哥喎。哇藍信一你幾時養左隻貓㗎？龍哥買畀你㗎？」
「唔係啦，養貓不如養我大佬。今朝係大佬張床見到㗎。」
聽到信一嘅回答，龍捲喵深感安慰，作為獎勵咁舔舔信一塊面。
「睇黎隻貓真係好鍾意你喎。」
「我大佬嘅貓緊係鍾意我啦！」
見到信一嘅招積樣，十二少忍唔住想去挑戰一下。佢夾左塊陳洛軍碗入面嘅叉燒，遞去龍捲喵嘅面前。
「！我舊叉燒！」

十二少無視陳洛軍嘅控訴，對住小貓講：「貓貓，你畀我摸一下就畀你食。」
龍捲喵望一望，就擰轉頭將自己塞入信一嘅懷抱入面，將個頭遠離十二少隻手。
唔知點解十二少係隻貓嘅眼神中感覺到一絲嘅不屑😒。

「梁俊義，你收皮啦。」信一一邊笑，一邊好似獎勵小貓咁摸摸佢嘅下巴。
已經完全放棄同本能抗爭嘅龍捲喵舒服到眯起雙眼發出咕嚕聲，心裏面安慰自己，反正冇人知道佢係龍捲風，冇野嘅。

「唔得閒同你哋吹水，我要去搵我大佬。」
講完信一就抱起龍捲喵，繼續出發去搵大佬。
結果搵左成日，信一都係唔知自己大佬去左邊。雖然以龍捲風嘅實力唔驚會有人可以對佢不利，但係另一邊廂又有小小失落點解大佬唔同佢講佢去左邊。

失落嘅信一攬住龍捲喵瞓係大佬張床到同佢講：「貓仔，你話大佬究竟去左邊要唔同我講。」
龍捲風睇唔慣信一一臉愁容嘅樣，用個頭去頂頂信一塊面，又翻轉個身，露個肚dum仔出黎畀信一做攬枕。

「貓仔，大佬究竟去左邊？冇見一日已經開始掛住佢，你話大佬會唔會抌低我⋯⋯」
唔知係因為張床有龍捲風陣味，定係因為懷裏面柔軟嘅貓貓，信一好快就有睡意。意識朦朧之間，信一好似聽到龍捲風把聲。
「唉，你咁樣點做人大佬呀～」

「我唔想做大佬，淨係想一世留係大佬你身邊咋⋯⋯」一滴眼淚係信一嘅眼角凝聚。

龍捲風嘆左一口氣，舔走信一嘅眼淚，「信一，你要記住，無論發生咩事，我會一直係你身邊。」

龍捲喵望住信一嘅睡顏，心裏面向天后娘娘許願「希望聽日一早就回復正常，唔係都唔知呢個大細路點算。」

第二朝

信一畀一陣香味叫醒，擘大眼行出房就見到龍捲風放低啲早餐係檯上面。

「終於醒啦？快啲去刷牙洗面過黎食早餐。」

信一見到龍捲風就衝左去攬到實一實，「大佬！你尋日去左邊呀！又唔同我講！🥹」

「依家咪係到囉。重細咩，係到攬頭攬頸！快啲去刷牙洗面啦！」

今日嘅城寨都係充滿愛嘅一日！

Chapter Text

1.
有一個秘密，係張少祖決定要帶入墳墓嘅。

嗯？你問係咪同陳占嘅孽緣？

呢個問題早就係陳占買埋啲保健品去搵狄秋賠罪嗰時搞掂左啦！

你唔知呢單野咩？

咁遲啲有機會再講啦！

我哋將個重點放返起大名鼎鼎嘅龍城幫龍頭———張少祖身上。

話說九龍城寨除左以「三不管」同牙醫聞名於世之外，有一樣野係你想避都避唔開嘅。

呢樣野就好似城寨嘅影子咁，同城寨嘅存亡相依相偎。嗰一棟棟毫無安全距離嘅高樓令到陽光好難透入到城寨嘅低層。
加上亂中有序嘅電線同經常從天而降嘅水（？），城寨嘅地下總係一片晦暗潮濕嘅樣子。

灰暗嘅環境就係呢樣野最好嘅保護色。

好多時候，人們都係只聞其聲不見其「人」。嗰把短而尖銳嘅聲線係嘈雜嘅環境當中都可以有效咁傳入人嘅耳蝸。亦都係呢把聲，充以令到張少祖食不知味，夜不成寐。

你唔係重未估到係咩呀？

答案咪就係⋯⋯

「喵嗚！」/「吱！」

隨住兩聲的悲鳴，一攤不成型的肉醬出現在髮型屋的地板上。

肉醬背後正是大名鼎鼎的城寨二把手———藍信一。

藍信一拿住沾滿血的蝴蝶刀，一臉嫌棄的說：「唉，真係殺極都殺唔完。大佬，你冇事呀嘛？」

眼前有著油光水滑的灰黑色毛髮的大貓看上去十分警覺的模樣。
當藍信一想走去大貓跟前的時候，本就蓬鬆的毛髮更是膨脹起來。大大的尾巴像一根巨型鼠尾草的樣子，

「哈！」
口裏發出低沉的嘶吼聲，讓藍信一怔了一怔。

該說不愧是龍捲風嗎？即使變了做一隻貓也有相當的威嚇力。

看到龍捲喵盯着手中蝴蝶刀的視線，藍信一才醒覺起來。

把蝴蝶刀放入一比四的漂白水中浸泡，再把地上的肉醬收拾乾淨，雙手用肥皂清洗乾淨，連指縫也沒有放過。

看見藍信一這一系列的行為，龍捲喵才緩緩放鬆下來，舔舔自己的爪子、洗洗臉。

看到終於平靜下來的大貓，藍信一噗哧一聲地笑了出來，
「大佬，就算變左做貓都好，驚嘅野都係冇變過！」

「喵！喵！喵！」

不滿的龍捲喵高聲抗議這沒大沒小的頭馬。

「我收聲！」，
藍信一只好舉手投降。

為了安撫這敏感的大貓，藍信一輕柔地撫摸龍捲喵的頭和下巴。
舒適的感覺讓龍捲喵緩緩倒在藍信一的跟前，低頻的呼嚕聲從喉嚨發出，大大的尾巴微微向後揮動。

「哼哼～」變成了貓的大佬簡直是世界第一萌，藍信一勾起嘴角，心裏暗道。

藍信一一把抱起已經癱軟成一團的龍捲喵，「大佬，今晚食湯圓好唔好？」

「～喵～」慵懶的貓咪打了個哈欠再回答他的頭馬。

「呀！唔係窩，貓唔食得糖水㗎窩！」

看到竊笑的藍信一，龍捲喵只好使出他的拿手絕技，一爪子把粉粉嫩嫩的肉球按在藍信一上揚的嘴角上，試圖表達他的憤怒！

「啾～」
大膽的藍信一趁機親了一口柔軟的肉球，抱緊了懷抱中的大貓，
「好啦，見係大佬你咋！」
聽到藍信一的回應，心滿意足的龍捲喵親親他的臉頰以示好。
一碗糖水就能收穫一個龍捲喵的親吻，真是可喜可賀！
龍捲喵用頭頂磨蹭著藍信一，柔軟的毛髮把溫度傳到臉上。
一人一貓親密的身影令這個尋常的晚上添上一絲溫情。

2.
晚上，龍捲喵如願以償吃到了他心心念念的糖水，可能是因為本質是人，糖水倒是對他的身體沒有造成什麼影響。

可惜有一件事，是他的貓咪朋友沒有告訴他的，那便是貓嚐不到甜味。

沒有甜味的貓生還有什麼意義！
想起自己剛才為了那一口糖水付出的肉球，親吻，甚至是敏感的肚子！

龍捲喵本想著做貓也有貓的好處，起碼晚上和藍信一睡在一起的時候，是純粹的蓋著棉被睡覺。

現在他滿腦子只剩下一個念頭：

我要變返做人⋯⋯

-完-